Депозиттер

Көп берилген суроолор

1. «Кыргызкоммерцбанк» ААКда кантип депозит ачса болот.

   Депозитти «Кыргызкоммерцбанк» ААКнын каалаган бөлүмүндө ачса болот, жаныңарда паспорт (Кыргыз Республикасынын жарандары үчүн паспорт же сиз чет өлкөлүк жаран болсоңуз чет өлкөгө чыгуу паспорту) болуш керек, ордунда талап кылууга чейинки эсепти ачуу жана аманатты тариздөө боюнча документтерди толтуруп, кол коёсуңар.

2. Депозитти кандай мөөнөткө ачса болот?

   Сиз банк тарабынан сунушталган каалаган ыңгайлуу мөөнөткө ачсаңар болот: 6 ай, 1 жыл, 2, 3 жыл, депозиттин түрүнө жараша.

3. Депозит боюнча пайыздар кандай кошулуп эсептелинет?

   Кардардын каалоосу боюнча айлык пайыздарды төлөө же болбосо пайыздарды депозиттин бардык суммасын кайтарып берүү менен бир убакта төлөө аныкталышы мүмкүн. Пайыздар кийинки келишимди түзүү датасынан кийинки иш күнүнө кошулуп эсептелине баштайт. Кошулуп эсептелинген пайыздар сиздин алыш-бериш эсебиңизге же биздин Банктын дебеттик картасына чегерилет.

4. Депозиттин мөөнөтүн узартуу үчүн эмне кылуу керек?

   Сизге киргизүү мөөнөтүнүн аякташынан кийин депозитти кайра тариздөө үчүн Банкка келүүнүн кажети жок – депозитти мөөнөтүнүн аягында албоо учурунда, ошондой эле мөөнөткө Келишимдин колдонулуу мөөнөтүн узартуу күнүнө депозиттин ушул турүнө Банкта күчүндө болгон коюм боюнча Аманатка пайыздарды кошуп эсептөө менен автоматтык түрдө узартуу жүрөт.

5. Эгер мен депозитимди мөөнөтүнөн мурун алып кетсем, пайыздар кандай кошулуп эсептелинет?

   Эгер сиз депозитти мөөнөтүнөн мурун алып кетсеңер, пайыздарды төлөө төмөнкү шарттар боюнча жүрөт:
   1) Келишимдин мөөнөтү аяктаган учурда пайыздарды төлөө жеке же юридикалык жактарга “аманатты мөөнөтүнөн мурун бузуу учурунда” Банктын коюмдарына ылайык Келишимдин иш жүзүндө колдонулуу мезгили үчүн жүргүзүлөт.
   2) Келишимдин жарымынан аз мөөнөтү аяктаганда Аманат боюнча коюмдар төлөнбөйт.

6. Таризделген депозиттин суммасына акча кошсо болобу?

   Мөөнөт ичинде эсепти толтуруу «Универсалдуу аманат» депозити боюнча гана бекитилген минималдуу суммага ылайык кайсы болбосун мезгилдүүлүк (накталай жана накталай эмес акча каражаттары) менен, депозиттин валютасында (же депозиттин валютасына конвертациялоо шарты менен) мүмкүн; муну менен бирге кошумча төгүмдөрдү кабыл алуу Келишимдин колдонулуу мөөнөтүнүн аякташынан 30 күн мурун токтотулат.

7. Депозит боюнча пайыздарды башка банктын картасына кантип алса болот?

   Депозит боюнча пайыздарды башка банктын картасына алуу жалгыз гана «Кыргызкоммерцбанк» ААКнын кайсы болбосун бөлүмүндө төлөм тапшырмасын тариздөө учурунда мүмкүн.

8. Депозит боюнча кирешеге салык салынабы?

   Кыргыз Республикасынын мыйзамына ылайык азыркы учурда жеке жактардын аманаттары боюнча кирешеге салык салынбайт. Юридикалык тараптарга КРнын Салык кодексине ылайык 10% пайдага салык салынат.

9. Мен депозит боюнча киреше катары канча акча кошулуп эсептелгенин кантип биле алам?

   Келишим түзүүдө кардар пайыздарды төлөө жыштыгын ай сайын же болбосо Аманаттын бардык суммасын кайтаруу менен бирге болгондой тандайт. Буга ылайык ай сайын төлөөнү тандоодо, кардар алыш бериш эсебине кошулуп эсептелген пайыздарды “Онлайнбанк” системасына кошулуу аркылуу алыш бериш эсептерин кароо режиминде көрө алат. Бул кызмат акылуу – 400 сом ай сайын. Же болбосо төмөнкү телефон аркылуу операциондук кызматкердин жардамы менен +996 312 333 000 ( кош. 17047же 17048), муну менен бирге эсепти ачууда операциялык бөлүмдүн кызматкерин банк системасында кардар менен макулдашылган идентификациялоочу жашыруун сөздү аныктоо үчүн маалымдоо керек.